Alban Kondi, anëtari i grupit “Produkt 28” dhe bashkëshortja e tij, Eneida Zalli janë në pritje të fëmijës së dytë. Pas Floranit, në familjen e tyre do të vijë sërish një djalë. Në intervistën e tyre të përbashkët në “Rudina” në Tv Klan, ata kthehen 15 vite pas, në fillimet e marrëdhënies së tyre të cilën asokohe nuk e mendonin se do lindte një histori të vërtetë dashurie.
Eneida Zalli: Unë isha studente në një fakultet tjetër dhe Albani në një fakultet tjetër. Kishim unë një shoqe, ky një shok që kishin punët e tyre bashkë dhe unë shoqëroja shoqen, ky shoqëronte shokun dhe padashje aty filluam u ngatërruam edhe ne duke shkuar nëpër shkollat e njëri-tjetrit.
Rudina Magjistari: Filluat të pëlqeheshit ashtu me njëri-tjetrin.
Eneida Zalli: Nisi si diçka normalisht kështu e lezetshme, jo me idenë që do ishte diçka shumë serioze, por ja ku jemi 15 vjet më pas.
Eneida mendon se çelësi i jetëgjatësisë së marrëdhënies së tyre është të qenurit shokë të ngushtë.
Eneida Zalli: Jemi akoma shumë shokë të ngushtë, që nga fillimet tona kemi qenë shumë shokë përveçse partnerë të dashur e me radhë. Vazhdojmë të jemi akoma shumë shokë të ngushtë dhe them që kjo ka qenë një ndër gjërat që na ka mbajtur kaq gjatë dhe vazhdon të na mbajë kaq gjatë dhe të lidhur me njëri-tjetrin./tvklan.al
