Për më shumë se dy muaj njëra korsi e autostradës Tiranë-Durrës, do të jetë ë bllokuar. Autoriteti Rrugorr shqiptar njofton se nga dita e mërkurë, ora 8 e mëngjesit deri në 17 korrik do të kryerhen punë në autostradë.
Bëhet fjalë për segmentin nga fillimi i autostradës, ish-Dogana deri në Qafë Kashar, Vorë. Qarkullimi i mjeteve në pjesën ku do të kryhen punimet do të jetë me shpejtësi të reduktuar, lëvizja e mjeteve do të drejtohet në 1 korsi.
Sipas ARRSH-së punimet kryhen vetëm gjatë njërit drejtim të rrugës dhe do të realizohet në përputhje me sinjalistikën e vendosur sipas Planit të Menaxhimit të Trafikut të miratuar.
“ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve dhe bizneseve te zonës gjatë procesit të ndërhyrjes në këtë segment rrugor, respektimin në mënyrë rigoroze të sinjalistikës provizore të vendosur, rregullat e qarkullimit rrugor, si dhe udhëzimet e Policisë Rrugore në terren”/ Opinion.al
