Republika e Afrikës Qëndrore përballet me rrezikun e një katastrofe nga pandemia e koronavirusit.
Vendi, i cili është shkatërruar nga vitet e luftës civile, ka vetëm tre respiratorë për ti shërbyer popullsinë së tij prej pothuajse pesë milion banorë.
Deri tani janë regjistruar gjashtë raste me koronavirusi por numrat nuk konsiderohen të sakta për shkak të testeve që nuk janë të disponueshme gjerësisht në vend.
Brenda vendit ka vetëm 100 kite testimi në dispozicion edhe ato vetëm në kryeqytetin e Bangui.
Ekziston gjithashtu një mungesë e gjerë e pajisjeve mbrojtëse personale për punonjësit e shëndetit dhe ndihmës. Në Bangui, ka mjete mbrojtëse vetëm për një muaj, dhe jashtë Bangui, nuk ka fare, sipas një raporti të fundit nga Kombet e Bashkuara.
Përgjatë Republikës së Afrikës Qendrore, akesesi në ujë të pastër është i kufizuar, dhe për qindra mijëra njerëz të zhvendosur që jetojnë në kampe të mbushura me njerëz, distancimi shoqëror nuk është një opsion.
Republika e Afrikës Qendrore është “një nga vendet më pak të përgatitura për t’u përballur me një shpërthim COVID-19”, sipas Apelit të koordinuar të Kombeve të Bashkuara, një dokument që planifikon “Planin Global të Përgjigjes Humanitare ndaj COVID-19” nga Prilli deri në Dhjetor.
“COVID-19 ka potencialin për të shkaktuar një katastrofë në Republikën Qendrore të Afrikës, nëse vendi nuk merr mbështetjen e nevojshme për tu mbrojtur në mënyrë të duhur kundër virusit,” tha David Manan, Drejtori i Këshillit Norvegjez për Refugjatë në Republikën e Afrikës Qëndrore.
“Tre respiratorë në një vend me pesë milion njerëz janë duke e përgatitur vendin për katastrofë dhe kjo mund të përsëritet në vendet më të varfra të botës, ku infrastruktura shëndetësore është praktikisht jo-ekzistente” shtoi ai.
“Kur kombet e pasura janë në gjendje paniku duke deklaruar se mijëra respiratorë nuk do të jenë të mjaftueshëm, thjesht nxjerr në dritë se si kombet më të varfër si Republika e Afrikës Qendrore nuk kanë një shans në luftën kundër COVID-19” deklaroi David Manan.
Franca ka bërë thirrje për një paketë ndihme financiare dhe një moratorium borxhi për vendet në zhvillim, veçanërisht në Afrikë, për t’i ndihmuar të përballen me krizën e koronavirusit, raporton AFP.
Kontinenti më i varfër në botë është shumë larg rajoneve të tjera përsa i përket rasteve të konfirmuara dhe vdekjeve, por infeksionet po rriten me shpejtësi dhe shumica e vendeve afrikane nuk kanë infrastrukturën e kujdesit shëndetësor për të përballuar një shpërthim në shkallë të gjerë.
Ministri francez i financave, Bruno Le Maire, bëri thirrje ditën e enjte për një fond lufte prej 500 miliardë dollarësh për të mbështetur përpjekjet e kujdesit shëndetësor në Afrikë.
“Ne kemi përgjegjësinë për të shmangur një tragjedi në vendet në zhvillim, veçanërisht në Afrikë,” tha ai, disa ditë pasi u kërkoi vendeve të G20 të ndërmarrin hapa për të ndihmuar vendet e varfra të goditura nga pandemia.
“Ne mbështesim një moratorium në muajt e ardhshëm për borxhin e vendeve më të varfra,” tha Le Maire për mediat në Paris.
Rreth 6,500 raste me koronavirus janë regjistruar në të gjithë Afrikën, prej të cilëve 238 kanë qenë fatale. Afrika e Jugut është vendi më i goditur në kontinent me më shumë se 1,400 raste, përfshirë pesë vdekje. /Opinion.al
