Një shtetas afgan është qëlluar me thikë mbrëmjen e së shtunës në Athinë, ndërsa mediat greke shkruajnë se autorët e vrasjes kanë qenë dy shtetas shqiptarë.
Sipas “Protothema”, ngjarja ka ndodhur rreth orës 20:30 në kryqëzimin e rrugëve Sofocleous dhe Menandrou. Dy shqiptarë kanë qenë duke lëvizur me automjetin e tyre ku njëri ka zbritur nga makina dhe ka qëlluar me thikë në zemër shtetasin afgan.
Mësohet se pas ngjarjes ata janë larguar në errësirë për t’i shpëtuar kështu policisë. Viktima është gjetur i pajetë në mes të rrugës.
Nuk dihen ende shkaqet e kësaj ngjarje, dhe as identiteti i shqiptarëve.
