Gazment Bardhi ka folur në një prononcim për media pas tensioneve të krijuara nga opozita brenda dhe jashtë ambienteve të parlamentit.
Ai hodhi akuza ndaj kryeministrit Edi Rama duke e konsideruar atë bashkëpunëtor të Arben Ahmetajt dhe si kreun e aferës së inceneratorëve.
Bardhi tha se Garda e Republikës me urdhër të Edi Ramës po tenton që të lërë deputetët jashtë Kuvendit.
“Siç e patë, sot në kuvend kishte ardhur bashkëpunëtori i Arben Ahmetaj, personi i konsideruar nga njeriu më i afërt si koka e inceneratorëve. Me një urdhër të paligjshëm, deputetët e opozitës u ndaluan të futen në Parlament. Edhe ndaj deputetëve që nuk kishte masë disiplinore, Garda e Republikës me urdhër personal të Edi Ramës, një frikacak që i fshihet gjithmonë përballjes me qytetarët tentoi të lërë jashtë deputetët e opozitës. Besoj se vetëm në vende me regjime autoritare nuk lejohen deputetët të futen të ushtrojnë mandatin… e paimagjinueshme që deputetët duhet të shqyhen nga këmisha dhe kostumi që të futen në sallën plenare”, tha Bardhi./Opinion.al
