Një 39-vjeçar, i shpallur në kërkim ndërkombëtar, është vënë në pranga pas një operacioni policor të kryer nga Interpol Tirana në bashkëpunim me policinë italiane.
Bëhet me dije se është kapur në Shëngjin dhe është arrestuar me qëllim ekstradimin drejt Italisë, 39-vjeçari Ardian Sufaj, pjesëtar i një organizate kriminale me aktivitet trafikimin e lëndëve narkotike.
Atoritetet gjyqësore italiane, me vendimin e datës 18 maj 2023, i kanë caktuar masën e sigurisë “Arrest në burg”, Ardian Sufajt për veprat penale “Trafikim narkotikësh”, “Organizatë kriminale” dhe “Pengmarrje”, parashikuar nga Kodi Penal italian.
Gjatë periudhës tetor 2022- janar 2023, 39-vjeçari në bashkëpunim me shtetas të tjerë, kanë blerë dhe trafikuar 100 kg kokainë nga Ekuadori, me qëllim shitjen në Itali.
Gjatë transportimit kokaina është vjedhur nga shtetas të paidentifikuar dhe Sufaj me bashkëpunëtorët e tij në Itali kanë marrë peng një person, në kërcënimin e armës, me qëllim mbledhjen e informacionit për vjedhjen e kokainës.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi në Itali./Opinion.al
