Një 44-vjeçar është arrestuar në Durrës, pasi ishte shpallur në kërkim ndërkombëtar për trafik të lëndëve narkotike.
Mësohet se i arrestuari ishte dënuar me 5 vite e 3 muaj burg nga Gjykata e Triestes në Itali.
Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt shtetit fqinj.
”Specialistët për Hetimin e Trafiqeve dhe Narkotikëve në DVP Durrës, në bashkëpunim me Interpol Tirana, në vijim të punës për kapjen e personave në kërkim, në bazë të informacioneve të siguruara në rrugë operative, kapën dhe ndaluan shtetasin Nardi Hoxha, 44 vjeç, banues në Durrës. Ky shtetas ishte i shpallur në kërkim ndërkombëtar, pasi Gjykata e Triestes, Itali e ka dënuar me 5 vite e 3 muaj burg për veprën penale “Trafikimi i narkotikëve”, njofton policia./ Opinion.al
