Pamjet tronditëse nga vrasja e pesë të rinjve që u rrëmbyen javën e kaluar në Meksikë, janë bërë virale në rrjetet sociale. Foto dhe video, të cilat po verifikohen, tregojnë të rinjtë e moshës 19 deri në 22 vjeç, të cilët u rrëmbyen në shtetin Jalisco, bastion i bandave të trafikut të drogës.
Rasti i 5 të rinjve të vrarë në Lagos de Moreno ka shkaktuar aq shumë indinjatë sa që edhe Blog del Narco – një portal i famshëm për dhunën ka kërkuar që të mos ndajnë imazhet.
Për gati dy dekada, që nga fillimi i viteve 2000 emri i Blog del Narco ka qenë sinonim i hetimeve gazetareske dhe raporteve të zymta të dhunës së tmerrshme në Meksikë. Në atë portal interneti janë publikuar të gjitha llojet e videove që portretizojnë jetën e krimit të organizuar; megjithatë, rasti i të rinjve në Lagos de Moreno, Jalisco, i kaloi kufijtë e njohur.
Në foto shihen pesë të rinjtë të gjunjëzuar me duar të lidhura, në video njëri prej tyre sulmohet me thikë, ndërsa të tjerët tashmë janë të shtrirë në tokë. Kandidatja e opozitës për zgjedhjet presidenciale të vitit 2024 dhe senatorja Sochilt Galves njoftoi se do të pezullonte fushatën e saj për 24 orë,.
Në një mesazh editorial të fundit përmes rrjeteve të saj sociale, Blog del Narco njoftoi se nuk do të ndajë videon e të rinjve të vrarë në Lagos de Moreno.
Pasi u bë i njohur rasti i 5 të rinjve që u vranë në Lagos de Moreno të Jalisco, rrjetet sociale në Meksikë u bënë të tmerrshme. Në disa faqe si Tëitter ose Reddit u shpërnda një video e papërpunuar, jashtëzakonisht eksplicite, e mënyrës se si këta të rinj dyshohet se humbën jetën nga duart e krimit të organizuar.
Normalizimi i dhunës në Meksikë me pothuajse 80 vrasje çdo ditë dhe ne kemi qenë të tillë për 15 vjet ka arritur nivele të padyshimta.
Në Meksikë, sipas APE, më shumë se 400,000 vrasje janë regjistruar që nga viti 2006, ndërsa më shumë se 110,000 njerëz janë zhdukur që nga vitet 1960. Shumica e këtyre krimeve autoritetet ia atribuojnë luftërave midis bandave ose hakmarrjes së kartelit për veprimet e forcave të sigurisë.
Dhuna filloi në vitin 2006, kur presidenti i atëhershëm Felipe Calderon i shpalli “luftë” karteleve të drogës, duke vendosur ushtrinë brenda vendit.
Ha comenzado a circular el video del momento en el que uno de los cinco jóvenes de los desaparecidos en Lagos de Moreno, Jalisco, asesina con una piedra a los demás, nosotros no publicaremos el material visual, sin embargo esto es lo que sucede en el.
En este material, Jaime es… pic.twitter.com/uKzwLXNBpv
— Blog del Narco México (@blogdelnarcomex) August 16, 2023
