Babai në gjendje të dehur ka plagosur mbrëmjen e djeshme djalin e tij në Korçë.
Sipas uniformave blu, ngjarja ka ndodhur në lagjen 10 e qytetit të Korçës, kur Nazim Pane pasi u kthye në shtëpi, ka tentuar me thikë të dhunojë bashkëshorten e tij.
Në banesë ka qenë edhe djali Gjergji Pane rreth 40 vjeç i cili ndaloi të atin të kryente dhunimin e nënës.
Nga përleshja me të atin ai është plagosur me thikë në dorë.
“Mbrëmjen e sotme, në lagjen nr. 10, Korçë, në banesë, shtetasi N. P., gjatë një konflikti dyshohet se ka dëmtuar në dorë me mjet prerës (thikë), djalin e tij shtetasin Gj. P., rreth 40 vjeç, i cili ndodhet për mjekim në spital.
Autori i dyshuar ndodhet i shoqëruar në komisariat, ku do të kryhen veprimet e mëtejshme procedurale”, njofton policia.
Grupi hetimor po punon për sqarimin e rrethanave të ngjarjes./Opinion.al
