Policia ka arrestuar një 41-vjeçar, pasi duke drejtuar në gjendje të dehur ka aksidentuar motomjetin që drejtohej nga një shtetas dhe më pas është larguar nga vendngjarja.
Uniformat blu bëjnë me dije se aksidenti ka ndodhur në segmentin rrugor Ura e Gjolës, në fshatin Bilaj.
Mësohet se si pasojë e aksidentit është dëmtuar pasagjerja në motomjet, e cila ndodhet në spital, në kujdesin e mjekëve.
Gjithashtu policia ka nisur procedimin në gjendje të lirë për drejtuesin e motomjetit pasi nuk ishte i pajisur me leje drejtimi.
“Specialistët e Komisariatit të Policisë Rrugore Krujë arrestuan shtetasin L. B., 41 vjeç, banues në në fshatin Bilaj, Krujë si dhe nisi procedimi në gjendje të lirë për shtetasin P. D., 64 vjeç.
Shtetasi L. B., në segmentin rrugor Ura e Gjolës – fshati Bilaj, duke drejtuar në gjendje të dehur, automjetin tip “Volksëagen”, ka aksidentuar motomjetin që drejtohej pa leje drejtimi nga shtetasi P. D., dhe më pas është larguar nga vendi i ngjarjes.
Si pasojë e aksidentit është dëmtuar pasagjerja në motomjet, e cila ndodhet në spital, në kujdesin e mjekëve”, thuhet në njoftimin e policisë./Opinion.al
