Një ngjarje e rëndë ka ndodhur në një shkollë të mesme private në Fier, ku disa nxënës kanë masakruar shokun e tyre të shkollës. Gjithçka ka ndodhur një ditë më parë, por ngjarja nuk është bërë publike.
Burime nga policia kanë bvërë të ditur se paraditen e djeshme rreth orës 10:30 minuta 3 të rinj me inicialet, A. Dh., M. M., dhe K. A., nga Ballshi dhe Fierit nxënës në vitin e tretë në një shkollë të mesme jo publike në bashkëpunim, kanë plagosur rëndë me sende të forta, shokun e shkollës me iniciale D. Z., banues në Fier.
I riu ka përfunduar në spital ku ndodhet jashtë rrezikut për jetën. Burime nga policia thanë se, kanë nisur hetimet për zbardhjen e ngjarjes dhe shkaqeve të saj.
