Një 36 vjeçar është vrarë gjatë natës në fshatin Mjekës të Elbasanit. Ardi Bodurri 36-vjeç, punonjës i shërbimit pyjor në Elbasan është qëlluar pas kokës dhe ka humbur jetën rrugës për në spital. Ardi Boduri, babai i dy fëmijëve jetonte në qytetin e Elbasanit.
Nga të dhënat e para thuhet se është qëlluar aksidentalisht nga gjuetarët e tjerë që ishin me të në pyll.Por, një tjetër burim theksoi se viktima ka qenë në detyrë në zbatim të një plani për evidentimin e dhelprës së kuqe dhe marrjen e monstrave.
Ndërkohë që policia ka shoqëruar personat që ishin me 36-vjeçarin, të cilët dyshohet se e qëlluan gabimisht. Pritet që policia dhe prokuroria të zbardhin shkaqet dhe rrethanat e ngjarjes së rëndë. /Opinion.al
