Gazetari Blendi Fevziu ka ndarë në rrjtet fotot të “Marshimit për drejtësi” mbajtur në Kosovë vetëm një ditë para nisjes së procesit ndaj krerëve të UÇK në Hagë.
Gazetari e ka cilësuar këtë akt solidaritet dhe qytetari, ndërsa shprehet ndër të tjera se të katër krerët e UÇK-së, janë sot në një betejë për historinë.
“Kjo nuk eshte politikë. Kjo është qytetari, solidaritet, mbrojtje e së drejtes dhe homazh per momentet më të rëndësishme të historisë së kombit që shqiptarët e Kosovës i kanë dalë për zot vetë. Bravo per kete manifestim sot dhe solidaritet me Thaçin, Krasniqin, Veselin dhe Selimin. Të katër ata, atë moment që Kosova kishte nevojë vunë jetën në rrezik per të mbrojtur atë dhe për Lirinë. Sot janë në një betejë jo per vete. Por për historinë”, shkruan Fevziu./Opinion.al
View this post on Instagram
