Ministri i Brendshëm Taulant Balla ka reaguar në lidhje me operacionet kombëtare “Tempulli 2” dhe “Sundimi i ligjit”, ku thotë se policia vijon me goditjen sistematike të fenomeneve kriminale në territor.
Gjatë 48 orëve të fundit, janë 42 shtetas të arrestuar/të proceduar në të gjithë vendin, thotë Balla në postimin e tij në “Facebook”.
“Policia e Shtetit vijon përmes operacioneve kombëtare “Tempulli 2” dhe “Sundimi i ligjit” goditjen sistematike të fenomeneve kriminale në territor. Gjatë 48 orëve të fundit, janë 42 shtetas të arrestuar/të proceduar në Tiranë, Durrës, Elbasan, Lezhë, Korçë, Shkodër, Vlorë, Gjirokastër, Berat, Dibër, Fier dhe Kukës”,-shkruan Balla.
