Një shkencëtar kinez dhe dy asistentën e tij janë dënuar pasi kanë kryer eksperimente të palejueshme në embrionin e njeriut.
Agjencia shtetërore e lajmeve kineze, Xinhua ka thënë se shkenëtari He Jiankui është dënuar me tre vjet burgim dhe gjobë në vlerë të 430,000 dollarëve.
Autoritetet kanë urdhëruar gjithashtu që puna e tij kërkimore të ndalohet dhe ai të përjashtohet nga Universiteti i Shkencës dhe Teknologjisë në Shenzhen.
Kujtojmë se në nëntor të vitit 2018, Jianjui pohoi se qëndron pas foshnjeve të para në botë të ngjizura me anë të ndryshimit të gjeneve. Ai habiti të gjithë komunitetin shkencor kur njoftoi lindjen e vajzave binjake, Lula dhe Nana gjenet e të cilave mendohet se ishin ndryshuar për të krijuar imunitet ndaj virusit të Sidës HIV.
Ndonëse pasojat e ndryshimit të gjeneve mbesin ende të paqarta, shkencëtarët frikësohen se në momentin kur pacientët të kenë fëmijët e tyre në moshë madhore, ndryshimet gjenetike mund të mbarten në gjenerata, duke çuar kështu në ndryshime gjenetike të racës njerëzore./Opinion.al
