Një valë e nxehtë po godet Spanjën këtë periudhë, duke bërë që temperaturat që zakonisht shihen gjatë verës të jenë të pranishme që nga muaji prill.
Parashikuesit kanë frikë se temperaturat mund të shkojnë mbi 38 gradë Celsius të enjten, duke shënuar temperaturën më të lartë të prillit që nga fillimi i regjistrimeve.
“Ne jemi shumë të shqetësuar. Dje ishte temperatura më e lartë (për këtë periudhë të vitit) në të paktën 20 vende,” tha Cayetano Torres, një zëdhënës i zyrës meteorologjike të Spanjës.
“Kjo nuk është normale. Temperaturat janë krejtësisht jashtë kontrollit këtë vit”, shtoi ai.
Shkollat do të lejohen të përshtatin oraret e tyre për të shmangur kulmin e të nxehtit. Metroja e Madridit do të shtojë numrin e trenave që kalojnë më shpesh se zakonisht për të parandaluar pritjet e gjata në platformë, dhe pishinat publike pritet të hapen një muaj më herët se normalja.
Cristina Linares, një shkencëtare në Institutin Shëndetësor Carlos III, paralajmëroi veçanërisht për ndikimin tek të varfërit.
“Varfëria është faktori kryesor kur vjen puna për të shpjeguar pse ka më shumë vdekje të lidhura me temperaturat ekstreme. Të ardhurat janë faktori që lidhet ngushtë me ndikimin e nxehtësisë në vdekjet e përditshme”, tha ajo.
Valët e të nxehtit po godasin gjithashtu shumë vende në mbarë botën si pasojë e ndryshimeve klimatike.
Ndërsa pjesë të Britanisë janë më të freskëta se mesatarja tani, e kundërta është rasti në shumë rajone të Spanjës.
Meteorologët thonë se një kombinim faktorësh është përgjegjës për temperaturat e jashtëzakonshme që shihen këtë javë.
Moti i nxehtë në të gjithë Afrikën e Veriut po shtyn nxehtësinë në Evropë. Një sistem moti me presion të lartë mbi gadishullin Iberik po lejojnë më shumë rreze dielli të godasë tokën, e cila tashmë është aq e thatë sa nuk mund të avullojë nxehtësinë.
Shifra e mëparshme më e lartë për prillin në Spanjë ishte 37.4C e regjistruar në Murcia në 2011.
Temperaturat e larta vijnë në krye të thatësirës së gjatë në shumë pjesë të Spanjës. Rezervuarët në pellgun e Guadalquivir janë vetëm në 25% të kapacitetit.
Ky kombinim po rrit mundësinë e zjarreve të hershme në pyje, me shërbimin kombëtar të motit që paralajmëron se zona të mëdha të vendit do të jenë në rrezik. Spanja u rendit si një nga vendet me tokën më të djegur nga çdo vend në Evropë në vitin 2022./Opinion.al
