Ka përfunduar mbledhja e Asamblesë Kombëtare të PS, e cila nisi rreth orës 17:30.
Në këtë mbledhje u shkarkua nga detyra e Sekretarit të Përgjithshëm, Damian Gjiknuri, ndërsa në vend të tij, u vendos Bledi Klosi.
Ndërkohë, Rama ka bërë “rokadë” në postet e Besuara Bledi Çuçit dhe Taulant Ballës. Taulant Balla i zuri vendin Çuçit te ministria e Brendshme , ndërsa sot Çuçi u emërua kryetar i grupit parlamentar i PS.
Në mbledhjen e Asamblesë nuk pati ndryshime në qeveri, por kryeministri Edi Rama ka thënë se me kabinetin do të merret në dy ditët në vijim.
Më 28 dhe 29 korrik në Tepelenë, kryeministri Edi Rama do të mbledh Qeverinë në një takim informal. Zyrtarisht thuhet se në këtë takim do të shpallen objektiva të reja për ministritë përkatëse. Gjithsesi asambleja mblidhet në një situatë delikate brenda kampit rozë. Socialistë me emër, kryetarë bashkish janë arrestuar, dhe së fundi prej disa ditësh SPAK ka urdhëruar arrestimin e zv.kryeministrit Arben Ahmetaj.
