Pas mbylljes së numërimit të votave për deputetë në Kavajë ka nisur procesi i numërimit të kutive për kryetar të Bashkisë.
Mësohet se ka përfunduar numërimi për 67 kutitë nga 84 që janë në total. Aktualisht kryeson kandidati i Partisë Socialiste Dorjan Murati me një diferencë të ngushtë prej 26 votash ndaj rivalit demokrat.
PD ka rikuperuar rreth 600 vota me numërimin e votave të qytetit te Kavajës, ndërsa mbeten për t’u numëruar edhe 27 kuti, ku shumica i perkasin Luzit të Vogël që dikur ka qenë një bastion i së djathtës.
PS- Dorjan Murati ka marrë 8943 vota;
PD- Isa Sakja 8917 vota;
LSI- Maksim Kona 1683 vota.
Raportohet se deri më tani janë numëruar kutitë e Golemit, Helmasit dhe Synejt.
Kavaja votoi të dielën për përfaqësuesit e rinj në parlament si dhe për kryetarin e ri të Bashkisë. Kujtojmë se deri pak muaj më parë Bashkia drejtohej nga Elvis Rroshi.
