Pjerin Ndreu, i cili është zgjedhur si kryetar i bashkisë së Lezhës nga zgjedhjet e 30 qershorit, ka folur në lidhje me objektivat gjatë mandatit të tij.
Ndreu tha se bashkia e këtij qyteti do të ketë një strukturë të re, e cila do të jetë në shërbim të qytetarëve.
Ai deklaroi se betimin e tij si kryetar i bashkisë së Lezhës do e bëjë më 14 gusht, ndërsa theksoi se zgjedhjet e 30 qershorit ishin të veçanta dhe të vështira.
“Kemi përcaktuar datën 14 gusht, pasi në 10 gusht është betuar kreu paraardhës. Kjo datë erdhi natyrshëm. Në Lezhë ka shkuar mirë, jo shumë mirë, i gjithë procesi dhe është i vetmi vend që nuk ka patur incidente. Ajo që duhet thënë është fakti se këto zgjedhje ishin të veçanta dhe njëherësh të vështira. Unë do të dëshiroja që të kishim garë dhe përplasje alternativash. Ne do t’u mbushim mendjen edhe skeptikëve se çfarë kanë humbur duke mos na votuar ne. Bashkia do të këtë një strukturë të re, do të ketë djem dhe vajza të shkolluar”-tha ai./ Opinion.al E.Xh.
