Kompania “Petrolifera” një ditë pas publikimit të skandalit se plazhi i Zvërnecit ishte ndotur me naftë bruto, sqaron se anija ‘Ismail Kaptanoglu’ po ngarkonte naftë bruto në portin Vlora 1 dhe ndotja sipas saj nuk ka qenë e qëllimshme, por një manovër e gabuar në anije ka krijuar mbipresion në tubacione.
Reagimi i plotë:
Ne naten midis dites se shtune 21 Maj dhe dites se diele 22 Maj, rreth ores 03:30, anija H Ismail Kaptanoglu qe ngarkonte nafte bruto ne Portin Vlora 1, ndoshta nga nje manover e gabuar ne bordin e anijes qe ka krijuar mbipresion ne tubacione, duke shkaktuar nje carje me pasoje rrjedhje te naftes ne brendesi te basednit te portit.
Anija dhe terminali menjehere kane zbatuar planin e emergjences te parashikuar nga standartet nderkombetare, duke kontrolluar rrjedhjen dhe duke pozicionuar kordon lundrues ne hyrje te portit, gjë që ka kufizuar ne maksimum derdhjen e naftes si dhe ka sjellë rikuperimin e naftes se derdhur ne uje.
U njoftua menjehere Kapiteneria e Portit dhe Drejtoria e Pergjithshme te cilat kane bere hetime dhe verifikime duke angazhuar autoritetet te tjera kompetente.
Ne mbremje vone te dates 23 Maj, u sinjalizua nje sasi e vogel nafte bruto (e vleresuar ne disa qindra kilogram) ne plazhin e Zvernecit, ne veri te Vlores, qe mund te kete ardhur nga i njejti incident, sepse erresira dhe era e forte gjate nates dhe paradites se dates 22 mund te kene shkaktuar shperndarjen e nje pjese te produktit te pakapur nga rrethimi lundrues i shtrire per te izoluar produktin e derdhur.
Edhe ne kete situate, ne bashkepunim me autoritetet, kane nisur operacionet per rikuperimin e plote te produktit natyra e te cilit nuk perben rrezik per ndotjen e fundit te detit dhe mundeson pastrimin lehtesisht.
Operacionet e pastrimit tashme jane ne faze te avancuar.
