Mimoza Hafizi dhe Ben Blushi duket se do të largohen nga Partia Socialiste. Këtë e ka konfirmuar në një farë mënyrë deputetja shkodrane në një intervistë për “Ora Neës”.
Ajo thotë se qëndrimi i tyre në PS është thjesht një formalitet dhe se kanë nisur konsultat për krijimin e një lëvizje të re.
Tashmë është pothuajse zyrtare. Deputetja Mimoza Hafizi dhe deputeti Ben Ben Blushi do të largohen nga Partia Socialiste dhe do të krijojnë një parti të re.
“Prania jonë në PS është formalitet. Kemi bërë betejën brenda PS. Nuk ka rëndësi a jemi pjesë, por si do i përgjigjemi kësaj kërkese për realitet ndryshe”, thotë ajo.
Zonja Hafizi pranon se projekti për një lëvizje të re politike është në fazën e konsultimeve me qytetarët, të cilët do të jenë përcaktues të profilit të kësaj force.
“Ne pas betejës për demokracinë ne PS e kemi të qartë se nuk ka një parti që plotësojnë kërkesat e qytetarëve. Shumë qytetarë po na kërkojnë një lëvizje të re. Po mundohemi të profilojmë një parti që kërkon qeveri stabël, shtet të së drejtës dhe njerëz që nuk militojnë se kanë interesa direkte”, shprehet Hafizi.
