“Zyrat e gjendjes civile në Gjermani këtej e tutje krahas seksit “femër” dhe “mashkull” duhet të regjistrojnë edhe seksin e tretë për transgjinorët. Ky është vendimi i Gjykatës Kushtetuese në Gjermani”, njofton “DW” seksioni shqip.
Vendimi i Kushtetueses është mëse i qartë: Eshtë diskriminim, nëse njerëzit interseksualë, gjinia e të cilëve është e papërkufizuar qartë, të duhet të vendosin gjatë regjistrimit për seksin “femër” ose “mashkull”, kështu argumentoi Gjykata Kushtetuese të mërkurën.
Deri më tani kanë ekzistuar vetëm këto dy emërtime për rregjistrat e gjendjes civile. Me këtë vendim pati sukses ankesa e një personi, që është transgjinor dhe që gjatë konfrontimit me autoritetet donte t’i përmbahej seksit të vet. Legjislativi ka tani kohë deri në fund të vitit 2018 për të vendosur rregullat e reja mbi bazën e këtij vendimi.
