Një 56-vjeçare nga Durrësit ka denoncuar zhdukjen e vajzës së saj, 21 vite pasi kishte ikur nga banesa pa lënë gjurmë.
Burime zyrtare bëjnë me dije për ‘BalkanWeb’ se shtetasja me inicialet O.K, ka denoncuar për herë të pare me dokumentacion përkatës pranë komisariatit zhdukjen e vajza së saj me inicialet F.K, aktualisht 37 vjeçe, pasi më herët nuk e kishte ndjekur në rrugë zyrtare. “BalkanWeb” zbulon dëshminë e gruas, e cila ka rrëfyer para oficerëve të policisë se vajza ishte zhdukur pa lënë gjurmë kur ishte vetëm 16 vjeçe, ndërsa ajo dyshon se ndodhet në Itali.
Ndër të tjera ajo tregon se kërkon që të kallëzojë zhdukjen e vajzës, pasi i duhen dokumentet që ajo është e vetme dhe se nuk ka mundësi financiare, për të fituar më pas dhe ndihmën ekonomike. Sakaq, materialet i kaluan. Prokurorisë së Rrethit Gjyqësor Durrës për veprime të mëtejshme.
Ndërkohë, një 48-vjeçar nga Xhafzotaj i Durrësit ka denoncuar zhdukjen e vajzës së tij 23 vjeçe. Bëhet e ditur se më datën 9, shtetasi me inicialet A.L ka kallëzuar në polici se vajza e tij me inicialet S.L ishte larguar nga shtëpia që orës 16:00 të 8 dhjetorit./BW
