Policia e Lezhës është përballur sot me një skenë të denjë për filmat aksion.
Në rrethrrotullimin në hyrje të qytetit të Lezhës, policia kishte ngritur një postbllok për ndalimin e një mjeti i cili sipas informacioneve dyshohej se po transportonte lëndë narkotike.
Por në momentin që policia i ka bërë shenjë për të ndaluar, drejtuesi i mjetit ka çarë postbllokun dhe është larguar me shpejtësi në drejtim të rrugës së Shëngjinit duke rrezikuar jetën e punonjësve të Policisë.
Pas këtij episodi Policia është vënë në ndjekje të mjetit të cilin ka arritur ta bllokojë në një rrugicë në Ishull, Shëngjin. Nga ky operacion është arrestuar 61-vjeçari me iniciale Z.B, banues në Shkodër të cili i janë gjetur 68 kg kanabis.
Materialet iu referuan prokurorisë për veprime të mëtejshme, për veprën penale “Prodhimi dhe shitja e narkotikëve”. /Opinion.al
