Në një atmosferë festive e rrethuar nga fëmijët ministrja e Shëndetësisë dhe Mbrojtjes Sociale Ogerta Manastirliu ndezi dritat e festës të Shtëpisë së Fëmijëve “Zyber Hallulli” në Tiranë.
Bashkë me ministren Manastirliu, edhe personazhe të njohur si Valbona Selimllari, Ema Andrea, mastershefi Armand Kikino etj përgatitën biskota dhe krijuan një atmosferë festive me ndezjen e dritave të pemës së Krishtlindjeve me 45 fëmijët pa kujdes prindëror që banojnë në Shtëpinë e Fëmijëve “Zyber Hallulli”.
Ministria e Shëndetësisë dhe Mbrojtjes Sociale po organizon festa për fëmijët pa kujdes prindēror, fëmijët me nevoja të veçanta, të moshuarit e vetmuar etj, përgjatë gjithë muajit festiv.
Shihni fotogalerinë:
