Arrestohet nga Policia e Korçës, 47-vjeçari, Tërpo Gjamo, ish-specialist informacioni në Burgun e Drenovës. Efektivi është dënuar me 1 vit e 2 dy muaj burg për shpërdorim detyre.
47-vjeçari, ish-specialist informacioni në Burgun e Drenovës kishte deklaruar gjate marrjes në pyetje se ka respektuar detyrën. “Dhashë informacionin sapo u njoftova. Më pas isha nën kërcënimin e armëve”, është shprehur ai dy vite më parë.
Në Nëntor të 2013-ës nga Burgu i Drenovës, u arratisën 7 persona, pjesa më e madhe e tyre kanë qenë të dënuar me burgim të përjetshëm. Të arratisurit ishin Admir Tafili, Fran Marashi, Gëzim Guri, Gëzim Toma, Reiz Haxhiraj, Eduard Lula dhe Artur Demir Gora.
