Policia greke ka arrestuar një ditë më parë në Athinë shtetasin shqiptar Gentian Lelaj, i njohur ndryshe edhe si Panajot Papa.
Sipas mediave vendase 44-vjeçari akuzohet për trafik droge, ndërsa gjatë operacionit të arrestimit të tij u sekuestruan 25 kg marijuanë dhe 3.6 kg kokaine në një kamion që kishte ardhur nga Holanda dhe që kryente shpesh udhëtime duke hyrë ne Greqi përmes portit të Igumenicës dhe Patres.
Policia ndërhyri në momentin që droga do të futej nga kamioni në një taksi në Athinë. Operacioni u zhvillua njëkohësisht ne Kretë e Athinë ku u arrestuan dy shqiptarë 42 dhe 44 vjeç dhe 5 grekë mes të cilëve një femër, të gjithë të moshës nga 46-71 vjeç.
Njëkohësisht u sekuestruan 7000 euro ne momentin e kapjes se drogës, ndërsa në banesat e trafikantëve u gjetën edhe 24.000 euro të tjera, si dhe sasi të ndryshme lëndë narkotike marijuane dhe heroinë.
Emri i Gentian Lelaj nuk ka qenë i panjohur për drejtësinë helene. Ai njihej si nga personat që ndihmoi dhe drejtoi planin e arratisjes së Alket Rizait nga burgu me helikopter në vitin 2006. Ai ishte personi që mori peng pilotin e helikopterit me të cilin u arratis për herë të parë Rizai dhe Paleokosta në vitin 2006./Opinion.al
