Një 59-vjeçar është arrestuar nga Policia, pasi teksa ka ndezur një zjarr për të djegur mbeturinat, flakët janë përhapur për shkak të erës duke djegur disa pemë ulliri si dhe rrezikoi 5 banesa të cilat ndodheshin aty afër.
Sipas uniformave blu mësohet se ngjarja ka ndodhur mesditën e djeshme në vendin e quajtur “Rrethrrotullimi i Shkozës”, në Tiranë.
Zjarri që dyshohet se ka ndezur 59-vjeçari është përhapur në një sipërfaqe rreth 5000 m2.
“Ndezi zjarr për të djegur mbeturinat dhe për shkak të erës së fortë zjarri u përhap duke djegur disa pemë ulliri dhe duke rrezikuar 5 banesa, identifikohet dhe arrestohet 59-vjeçari.
Ditën e djeshme, rreth orës 12:40, është marrë njoftim se kishte rënë zjarr në vendin e quajtur “Rrethrrotullimi i Shkozës” dhe flakët po përhapeshin me shpejtësi.
Me marrjen e njoftimit, shërbimet e Komisariatit të Policisë Nr. 1 kanë shkuar menjëherë në vendin ku kishte rënë zjarr, së bashku me shërbimet zjarrfikëse. Si rezultat i veprimeve të shpejta hetimore, u identifikua dhe u arrestua autori i dyshuar i zjarrvënies, shtetasi M. Rr., 59 vjeç, banues në fshatin Kllojkë, Tiranë.
Zjarri që dyshohet se ka ndezur ky shtetas është përhapur në një sipërfaqe rreth 5000 m2, ka djegur disa pemë ulliri dhe ka rrezikuar 5 banesa”, njofton policia.
Materialet procedurale i kaluan Prokurorisë, për vepën penale “Shkatërrimi i pronës me zjarr”.
