Fitorja 2-0 e Partizanit e çon thuajse me 1 këmbë e gjysmë në kategorinë e parë Vllazninë. Takimi që nisi me pak entuziazëm solli golin e parë në minutën 31 nga Jasir Asani.
Ishte thuajse një aksion individual i tij që gjeti të hutuar mbrojtësit e Vllaznisë. Në pjesën e dytë të takimit ishte Progni që shënoi një tjetër supergol.
Trishtim në kampin e Vllaznisë që erdhi edhe pasi mësuan rezultatet e ndeshjeve të tjera. Kamza arriti një fitore të rëndësishme me Flamurtarin me golin e Sebino Plakut. Ndërsa Teuta fitoi 3-1 me Skënderbeun që tashmë e ka siguruar titullin.
Shkodranët kanë dy ndeshje të vështira në mbyllje të sezonit ndaj Kukësit dhe Skënderbeut ndërsa Kamza dhe Teuta duken disi më të favoruzuara nga kalendari.
Në javën e 34 Laçi fitoi 3-1 me Lushnjën ndërsa Kukësi dhe Luftëtari barazuan 2-2.
