Kryeministri i Kosovës së bashku me djalin e Adem Jasharit, Lulzim Jasharin janë nisur për në Shqipëri, për të parë ndeshjen e sotme Shqipëri-Ceki.
Ky lajm është bërë i ditur nga vetë Kurti, përmes një postimi në rrjete sociale ku shkruan se do të vijnë sot në Tiranë në mbështetje të Shqipërisë.
“Bashkë me Lulzim Jasharin rrugës për Tiranë në përkrahje të Shqipërisë. Forca djema. Evropiani po na pret”, shkruan Kurti.
Kujtojmë që ndeshja Shqipëri-Çeki luhet mbrëmjen e sotme në orën 20:45 në stadiumin “Air Albania”./Opinion.al
