Teksa na ndajnë pak mituta nga starti i sfidës Letoni-Shqipëri, zv.trajneri i Kombëtares ka komentuar shkurtimisht edhe formacionin e kuqezinjve për këtë ndeshje.
Siç vihet re, Silvinjo nuk ka bërë ndryshime të mëdha nga formacioni kundër Serbisë, teksa Rey Manaj luan sërish titullar me Kombëtaren por edhe si kapiten i ekipit.
Sipas Bulkut, sulmuesi Manaj nuk do godasë më 11 metërshat, por i janë besuar Asllanit.
“Për Gjimshitin e dimë që mungon për kartona, Ajeti është i pamundur. Të gjithë lojtarët janë të rëndësishëm. Çdo lojtarë që futet në fushë është i rëndësishëm. Balliu është një zgjedhje teknike e trajnerit. E vërtetë që Hysaj zhvilloi një ndeshje shumë të mirë, por kjo nuk do të thotë gjë, Balliu është zgjedhje teknike.
Penallti kanë humbur lojtarë më të mëdhenj se Manaj, nuk do të thotë që një lojtar që humb penallti, të nxirret nga formacioni.
Kapiteni zgjidhet në bazë të ndeshjes. Në qoftë se do të ketë penallti do ta gjuajë Asllani. Çdo kush mund të ishte pjesë e formacionit, duke u nisur nga ndeshja e mirë me Serbinë, trajneri vendosi t’i besonte të njëjtit sulm. Zgjidhjet janë në bazë të atyre që shikojmë gjatë stërvitjeve”, u shpreh Bulku për ‘Supersport’.
