Kombëtarja shqiptare do të nis për të tretën herë rrugëtimin e saj në UEFA Nations League.
Pjesë e Ligës B dhe e pozicionuar në grupin 1, kuqezinjt do të luajnë ndeshje me Republikën Çeke, Gjeorgjinë e Ukrainën.
Pikërisht këta të fundit do të jenë kundërshtarët e parë të djemve shqiptare dhe një ditë para sfidës është zhvilluar edhe konferenca zyrtare për shtyp, ku së bashku me teknikun Sylvinho ishte edhe futbollisti Ylber Ramadani.
Ramadani foli i parë gjatë konferencës, ku u fokusua në vështirësinë e sfidës ndaj ukrainasve e më tej u ndal te forca dhe përgatitja e grupit.
“Atmosfera e ekipit është fantastike. Jemi shumë të përqëndruar, pasi na pret një ndeshje shumë e vështirë, por ne jemi gati. E kemi studiuar shumë mirë Ukrainën dhe shpresojmë që nesër të marrim një rezultat pozitiv.
I gjithë ekipi është profesionit dhe nuk ka rëndësi nëse ekipi luan jashtë apo në shtëpi, pasi jemi të përqëndruar për të bërë një ndeshje shumë të mirë.
Formacionin në fund e vendos trajneri dhe jemi përgatitur të gjithë shumë, pasi jemi të vendosur të marrim rezultatin e shumë kërkuar në sfidën e parë të Nations League.
Sa i përket elementëve të rinj, janë përshtatur shumë mirë dhe janë duke u stërvitur fort, kështu që shpresoj se do të japin maskimumin ashtu siç bëjmë në çdo ndeshje.
Është thënë shpesh se ne jemi më pak të kuotouarit për të fituar grupin, por forca jonë është grupi, kështu që do të tentojmë deri në fund për të siguruar vendin e parë. Pas Evropianit kemi fituar edhe më shumë eksperiencë kemi luajtur edhe më shumë së bashku dhe siç e thashë jemi gati për sfidën e parë”, u shpreh Ramadani në fjalën e tij.
