Solidariteti nuk njeh kufij. Kështu, nisur nga situata emergjente e shkaktuar nga pandemia e koronavirusit, 7 mijë maska i janë dhuruar komunës Solesino në Itali, nga kompania e ndërtimit “Illyrian costruire per passione”.
Pronarët e saj, të gjithë me kombësi shqiptare, pa bujë të madhe i kanë dhuruar materialet, qytetarit të parë të komunës, Elvy Betandini, shoqëruar me një letër për banorët.
“Historia jonë na ka mësuar, se janë të rralla momentet kur mund ta tregojmë me fakte se ndihemi pjesë e këtij komuniteti. Me këtë gjest, duam t’iu falenderojmë për mikëpritjen dhe dashurinë që na keni dhënë që prej ditës së parë”, shkruajnë Oltioni, Endri, dhe Alfredi.
Ashtu sic shihet edhë në foton e mëposhtme, veprimi solidar i shqiptarëve u pasqyrua dhe në shtypin lokal, duke dhënë një tjetër shembull pozitiv.
Kujtojmë se Shqipëria ka treguar solidaritet me Italinë në luftën e saj të vështirë me pandeminë, pasi ka nisur në vijën e parë të luftës, në vendin fqinj, dy grupe me personele shëndetësore. /Opinion.al
