Instituti i Shëndetit Publik do të ketë pranë tij korpusin e laboratorëve të referencës me një hapësirë bashkëkohore prej 2900 m².
Lajmi është bërë i ditur nga kryeministri Edi Rama përmes një postimi në rrjetet sociale, ku ka ndarë pamje nga ky kantier.
Ai thotë se ky investim do të garantojë trefishimin e kapaciteteve laboratorike dhe rritje në nivel më të lartë të biosigurisë sipas standardeve të Bashkimit Evropian.
“Korpusi i laboratorëve të referencës pranë Institutit të Shëndetit Publik, një hapësirë moderne me teknologji të fjalës së fundit, e cila po ndërtohet nga Ministria e Shëndetësisë për trefishimin e kapaciteteve laboratorike dhe rritje në nivelin më të lartë të biosigurisë, sipas standardeve të BE-së”, shkruan Rama./Opinion.al
