Ish-kryeministri Sali Berisha, ditën e sotme, ka përgënjeshtruar premtimin e kryeministrit Edi Rama se në muajin Maj do të përfundojë rruga turistike e Velipojës.
Përmes një shënimi në Facebook, kryeministri Rama paralajmëroi sot në mëngjes se në muajin maj do të përfundojë rruga në Velipojë.
Nga ana tjetër, ish-kryeministri Sali Berisha, referuar “qytetarit digjital”, publikon një mesazh në Facebook, ku theksohet se ka 7 muaj që projekti ka nisur, por akoma nuk janë shtruar 500 metra.
Rama me anë të një statusi në “Facebok”, shkruante:
“MIRËMËNGJES ? dhe me lajmin e mirë se, pas 27 vjetësh, përfundon në maj rruga turistike për në Velipojë, një nga destinacionet më të populluara të bregdetit, ju uroj një ditë të mbarë ?”.
Edhe Berisha e ka publikuar në “Facebook” mesazhin e qytetarit ku shkruan:
Qytetari dixhital i pergjigjet Edvinit!
Lexoni mesazhin e tij. sb
“Nadja e mire zoti berisha. Te uroj shendet. Me qene se edi eskobari publikoj nje foto me rrugen e velipojes, ku citoi se ne maj perfundon ne nje kohe qe ka 7 muj qe ka fidhu edhe ala nuk jane shtru vec 500 meter rruge. Aj thote qe ne maj perfundon.? Un desha ti thoja mos genje shkodranet qe ne mengjes. Por edi legeni ma ka hjek te drejten e komentit ne fcb. Te lutem thuj mos na genje se nuk te besojne shkodranet.”
