Tre persona janë proceduar penalisht në Sarandë, pasi ata po kryenin punime ndërtimi pa leje në zonën bregdetare të Ksamilit.
Sipas policisë, si rezultat i kontrolleve dhe i verifikimeve në terren, në vijim të operacionit “Coastline”, janë evidentuar 3 raste të tjera në këtë fushë, për të cilat u referuan materialet në Prokurori.
Organi i akuzës nisi procedimi në gjendje të lirë për shtetasit A. B., 39 vjeç, banues në Sarandë, R. B., 22 vjeç, banues në Korçë dhe A. T., 28 vjeç, banues në Ksamil.
“Sarandë dhe Ksamil/Vijon operacioni policor i koduar “Coastline”, për konstatimin dhe goditjen e rasteve të veprimtarisë së kundërligjshme të ndërtimeve pa leje, në zona urbane dhe në ato bregdetare. Konstatohen dhe goditen 3 raste të tjera të ndërtimeve të paligjshme.
Procedohen penalisht 3 shtetasit që ndërtuan pa lejen e organeve kompetente. Si rezultat i kontrolleve dhe i verifikimeve në terren, në vijim të operacionit “Coastline”, me qëllim parandalimin, konstatimin dhe goditjen e paligjshmërive në fushën e ndërtimeve, shërbimet e Komisariatit të Policisë Sarandë kanë evidentuar 3 raste të tjera në këtë fushë, për të cilat u referuan materialet në Prokurori ku nisi procedimi në gjendje të lirë për shtetasit A. B., 39 vjeç, banues në Sarandë, R. B., 22 vjeç, banues në Korçë dhe A. T., 28 vjeç, banues në Ksamil.
Shtetasit A. B. dhe A. T. u kapën teksa kryenin punime ndërtimi, pa leje, në qytetin e Sarandës, ndërsa shtetasi R. B. u kap teksa kryente punime ndërtimi, pa leje, në zonën bregdetare, në Ksamil.Kontrollet dhe verifikimet vijojnë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme”, bën me dije policia.
