Administratori i një lokali në plazhin e Pishë-Poros dhe 3 persona të tjerë janë vënë në pranga nga policia pasi po ndërtonin pa leje në tokë publike në plazh.
Mësohet se kanë rënë në pranga shtetasit Xhimi Hasanbega, Genci Toska, Edmond Silo, Aleksandër Kopili.
“Në vijim të veprimeve, nga specialistët për Hetimin e Krimeve në Komisariatin e Policisë Fier, u bë arrestimi në flagrancë për veprën penale “Ndërtim i paligjshëm” i shtetasit Xhimi Hasanbega, 45 vjeç, banues në Tepelenë (Administratori i lokalit, njofton policia.
Gjithashtu u arrestuan në flagrancë për veprën penale “Projektimi, mbikëqyrja, zbatimi ose kolaudimi i paligjshëm i ndërtimeve”, shtetasit Genci Toska, Edmond Silo, Aleksandër Kopili.
Materialet procedurale i kaluan Prokurorisë pranë Gjykatës së Shkallës së Parë Fier për veprime të mëtejshme./Opinion.al
