Ish kryeministri i Italisë Silvio Berlusconi ka ndërruar jetë në moshën 86 vjeçare.
Mediat italiane shkruajnë se Silvio Berlusconi është ndarë nga jeta në spitalin San Raffaele në Milano.
Berlusconi u kthye në San Raffaele të premten e kaluar, pas një shtrimi të gjatë – 45 ditë në spital për shkak të pneumonisë dhe leuçemisë.
Vëllai i Berlusconit, Paolo dhe vajza e tij Marina kanë mbërritur pak më parë në spitalin ku ai ndërroi jetë. Të dy familjarët mbërritën rreth orës 9:30, brenda pak minutash nga njëri-tjetri.
Themelues i Mediaset dhe Forza Italia, Berlusconi ishte një figurë sa e rëndësishme, aq edhe e diskutueshme në politikën italiane për më shumë se çerek shekulli. Ai mbajti postin e kryeministrit të Italisë në 4 qeveri.
Shëndeti i ish-kryeministrit italian ishte përkeqësuar ndjeshëm vitet e fundit.
Ai iu nënshtrua një operacioni në zemër në vitin 2016, ndërsa kishte pasur trajtime të shumta në spital që kur u infektua me COVID-19 tre vjet më parë./Opinion.al
