Punimet e Parlamentit në seancën maratonë të buxhetit të shtetit janë ndërprerë pa nisur ende.
Kryeparlamentarja Elisa Spiropali mori vendimin pas protestës së opozitës në Kuvend në momentin që kryeministri Edi Rama mori fjalën për të folur në lidhje me projektbuxhetin 2025.
Ata nuk kanë lejuar Ramën të flasë dhe për këtë ishte vetë kryeministri që kërkoi 5 minuta pushim.
Kuvendi po diskuton në seancë buxhetin e vitit 2025.
Seanca do të vazhdojë edhe ditën e nesërme ku pritet që votimi të bëhet po pasditen e nesërme.
