Platforma X, e drejtuar nga Elon Musk, ka përjetuar një ndërprerje të gjerë shërbimi që ka prekur përdoruesit në mbarë botën.
Përdoruesit në Shtetet e Bashkuara filluan të raportojnë probleme në DownDetector rreth orës 8 të mëngjesit të shtunën.
Deri në orën 8:26 të mëngjesit ET, më shumë se 25,000 përdorues amerikanë raportuan probleme me platformën X në aplikacionin celular dhe faqen e internetit. Përdoruesit raportuan gjithashtu probleme me lidhjen e serverit.
Më shumë se 11,000 përdorues në Mbretërinë e Bashkuar dhe qindra në vende të tjera kanë raportuar gjithashtu probleme.
DownDetector gjurmon problemet e raportuara nga përdoruesit, kështu që numrat mund të mos pasqyrojnë shkallën e plotë të ndërprerjes së X.
Sipas platformës së zhvilluesve X, ka pasur një ndërprerje në të gjithë sitin nga e enjtja deri të premten që është “zgjidhur”.
“Ekipi ynë po punon 24/7 për ta zgjidhur këtë. Faleminderit për durimin tuaj,” shkroi X në postim.
Kujtojmë se në fund të marsit, X përjetoi një ndërprerje të gjerë që ishte për shkak të një “sulmi masiv kibernetik”, sipas Musk.
X tha në 2024 se siti ka mesatarisht rreth 250 milionë përdorues aktivë ditorë.
