Këshilli i Lartë i Sigurisë Kombëtare i Iranit ka publikuar një deklaratë në lidhje me “imponimin e ndërprerjes së luftës” ndaj Izraelit dhe “mbështetësve të tij terroristë”.
Kështu, në këtë deklaratë Këshilli i Sigurisë Kombëtare paralajmëron se “çdo agresion i mëtejshëm do të përballet me një përgjigje vendimtare, të fortë dhe në kohë nga Irani“.
Gjithashtu Këshilli vlerëson popullin iranian për “ndërgjegjësimin, qëndrueshmërinë dhe unitetin” e tij, duke thënë se “mundja e armikut” është falë “vendosmërisë së fortë, durimit strategjik dhe refuzimit të iranianëve për të pranuar poshtërimin ose kompromisin e njëanshëm”.
Deklarata gjithashtu përgëzon Iranin dhe forcat e tij për dhënien e “goditjeve vendimtare dhe të llogaritura” në hakmarrje për sulmet ndaj Iranit.
