Wiwiblogs është site-i më i ndjekur për sa i përket kompeticionit të Eurovison-it. Vitin e kaluar kujtojmë se gazetarët e tyre u morën gjatë me përfaqësuesen tonë, Eneda Tarifën, madje e mbështët shumë. Ndërsa këtë vit ata kanë një kërkesë nga organizatorët e këtij eventi në Shqipëri. “Dërgoni Era Istrefin në Eurovision. Ajo është perfekt për atë punë.”- thuhet në shkrimin e tyre.
Wiwiblogs ka përmendur faktin se gjatë viteve të kaluara rezultatet e Shqipërisë kanë qenë jo dhe aq të mira, për këtë nevojitet një përfaqësuese si Era. Sipas tyre këngëtarja që do t’i sillte sukses Shqipërisë në “Eurovision 2017”.
Blogu i famshëm e ka krahasuar Erën me emra ndërkombëtarë të muzikës si Rihannna.
Vitin e kaluar “Wiwiblogs” sugjeroi për Shqipërinë se kënga e cila do të zgjidhej për ta përfaqësuar “Eurovision” të zgjidhej nga festivali “Kënga Magjike” dhe jo nga festivali i RTSH-së.
