Në 25 vjetorin e bombardimit të NATO-së në Serbi, Presidentja e Kosovës, Vjosa Osmani ka bërë homazhe para memorialit të ushtarëve të rënë të NATO-s.
Përmes një postimi në rrjete sociale, Osmani u shpreh përjetësisht falënderuese ndaj NATO-s.
“25 vjet më parë, filloi shpëtimi i Kosovës nga shfarosja. Aleancat duhet t’i ruajmë po aq sa edhe lirinë! Faleminderit përjetësisht NATO!”, ka shkruar Osmani në Facebook.
Nga ana tjetër, ajo ka falenderuar para mediave secilin ushtarë të NATO-s që rrezikuan jetën për ta shpëtuar atë të popullit të Kosovës.
“Në emër të popullit të Kosovës, këtij populli që ishte në rrezik nga shfarosja në vitin 1999, t’i falënderoj nga zemra secilin nga ushtarët e NATO-s që rrezikuan jetën e tyre në mënyrë që ta shpëtojnë tonin.
I falënderoj të gjithë liderët e shteteve demokratik që nuk i mbyllën sytë para vuajtjeve të popullit të Kosovës por na dolën zot, na erdhën në shpëtim dhe edhe sot qëndrojnë pranë nesh përderisa ne punojmë bashkërisht që Kosova e sotme të jetë Kosovë që i bën jo vetëm qytetarët e saj po edhe miqtë e saj të mburren me sukseset në zhvillimin e demokracisë, në mbrojtjen e të drejtave të njeriut dhe në fuqizimin e subjektivitetit ndërkombëtar”, shtoi më tej ajo.
