Pas lajmit për ndarjen nga jeta të aktori dhe skenaristit të njohur shqiptar, Leka Bungo ka reaguar përmes një postimi në rrjetin social Facebook, kryeministri Rama.
Në këtë postim Rama, shkruan “LAMTUMIRË miku im Leka Bungo! Prehu në paqe!”
Regjisori i njohur është ndarë nga jeta në moshën 81-vjeçare pas një infarkti në zemër. Lajmin e hidhur e kanë bërë të ditur familjarët e tij përmes rrjeteve sociale.
Ceremonia mortore do të zhvillohet këtë të mërkurë, më 11 qershor, në orën 16:00, në varrezat e Sharrës, ku regjisori do të përcillet për në banesën e fundit.
Aktori dhe regjisori i njohur lindi më 28 shkurt 1944 në Vlorë dhe është një nga emrat më të njohur të artit dhe kulturës shqiptare. I diplomuar në shkollën e lartë për aktorë “Aleksandër Moisiu” dhe më pas ndjekës i një kursi njëvjeçar për regji në Institutin e Lartë të Arteve, Bungo ka dhënë një kontribut të gjerë në teatër, film dhe televizion.
