Ndalimi i ish-ministrit Ksera, Prokuroria kërkon masën arrest me burg

Prokuroria e Përgjithshme do të paraqesë gjatë ditës së sotme në Gjykatën e Shkallës së Parë Tiranë kërkesën “arrest me burg” ndaj ish-Ministrit të Punës dhe Çështjeve Sociale Spiro Ksera, i ndaluar në akuzën “Shpërdorim detyre”, mbrëmjen e djeshme në fshatin Derviçan të Gjirokastrës. Pas dorëzimit të dosjes hetimore në ngarkim të Kserës, Gjykata ka kohë 48 orë për të shpallur masën e ndalimit, i cili do të gjykohet bashkë me 8 persona të tjerë. Sipas akuzës së ngritur nga Prokuroria, Ksera akuzohet për abuzime në një tender me vlerë 30 milion lekë të rinj si dhe procedura fiktivë që kanë të bëjnë me tendera që lidhen me komunitetin rom, ata të verbër dhe shtresat në nëvojë.  Vetë Ksera mësohet të jetë shprehur se kjo është një goditje me prapavijë politike