Presidenti i ukrainës, Volodymyr Zelensky, tha në një fjalim video se Rusia po rrit presionin e saj mbi Evropën duke ndaluar gazin përmes gazsjellësit Nord Stream.
Sipas Zelenskyt, Rusia dëshiron të shkatërrojë jetën normale të çdo qytetari evropian.
“Rusia po përgatitet të japë një goditje vendimtare energjie kundër të gjithë evropianëve,” tha ai. “Moska dëshiron të shkatërrojë jetën normale të çdo qytetari europian”.
Gjigandi rus i gazit Gazprom ndërpreu furnizimet me gaz nëpërmjet gazsjellësit Nord Stream më 31 gusht duke thënë se tubacionet kanë nevojë për riparime. Gazprom tha se kufizimet në gazsjellësin Nord Stream 1 do të zgjasin për tri ditë.
Ndërkaq, Kremlini ka hedhur poshtë akuzat se po përdor energjinë si një mënyrë për të ndëshkuar vendet perëndimore për vendosjen e sanksioneve.
