Policia ka dhënë sqarime në lidhje me ndalimin e shtetases Fiqirije Nezaj, mëngjesin e sotëm në Pikën Kufitare të Morinit, çka solli edhe një reagim të ashpër të Partisë Demokratike. Nezaj, 50 vjeçe, u ndalua sipas Policisë pasi ishte person në kërkim pas akuzave për mosbindje ndaj policisë ditën e protestës së opozitës para Parlamentit.
Sipas Policisë së Kukësit, shtetases në fjalë i është marrë vetëm një deklaratë dhe më pas ajo është lënë e lirë.
Njoftimi i plotë:
Informacion sqarues
Në lidhje me lajmin e publikuar në media mbi ndalimin e shtetases F.N., informojmë se:
Në datë 01.01.2018, në orën 19.30 është paraqitur në sportelin e hyrjes në PKK Morinë, shtetesja shqiptare F.N., 49 vjeçe, lindur në Kukës dhe banuese ne Tiranë.
Per shkak se ajo rezultonte ne sistem “Person në kërkim“, e dyshuar për veprën penale “Kundërshtim i punonjësve të Policisë së Rendit Publik”, parashikuar nga neni 236/22 i Kodit Penal eshte shoqëruar në ambientet e Policisë.
Policia e Kukesit i ka marrë një deklaratë dhe me pas kjo shtetase është lënë e lirë.
