Ish-kryeministri italian Silvio Berlusconi ka ndërruar jetë ditën e sotme.
Lajmi është konfirmuar edhe nga media italiane “Mediaset”. Të parët që njoftuan për vdekjen e Berlusconit, të përlotur, ishin moderatorët italianë Federica Panicucci dhe Francesco Vecchi nga studiot e “Mattina5”.
Ata bënë me dije se transmetimet e “Mediaset” do të ndërprehen në nder të liderit të Forza Italia.
Lajmi për vdekjen e Silvio Berlusconit është përhapur në faqet e lajmeve në mbarë botën, ku ka sjellë reagimin e figurave mjaft të njohura ndërkombëtare.
“Një boshllëk që nuk mund të plotësohet kurrë. Një zbrazëti që nuk do të mbushet kurrë, përgjithmonë me ne. Faleminderit për gjithçka President”, shkruan Adriano Galliani.
Lidhja mes Berlusconit dhe Gallianit daton prej një kohe shumë të gjatë, që kur Kavalierët vendosën të blejnë Milanin dhe t’ia besojnë menaxhimin sportiv bashkëpunëtorit të tij të besuar.
Lideri i Italia Viva Matteo Renzi shprehu ngushëllimet e tij për vdekjen e Silvio Berlusconit përmes një postimi në Twitter:
“Ai bëri histori në këtë vend. Shumë e donin, shumë e urrenin: të gjithë sot duhet ta kuptojnë se ndikimi i tij në jetën politike por edhe në politikë por edhe në ekonomi, sport e televizion ishte i paprecedentë, Sot, Italia mban zi. së bashku me familjen e tij, të dashurit e tij, kompanitë e tij, partinë e tij. Për të gjithë ata që e donin, përqafimi im më i dashur dhe më i sinqertë. Në këto orë mbaj me vete kujtimet e mbledhjeve tona, të këshillave të shumta, të marrëveshjeve tona, të përplasjeve tona. Por mbi të gjitha një telefonatë në të cilën Silvio, jo Presidenti, më bëri të derdh lot kur flisja për nënën time. Do të na mungosh Pres, dheu qoftë mbi ty”, shkruan ai./Opinion.al
