Manmohan Singh, ish- kryeministri i Indisë, i cili drejtoi vendin për dy mandate dhe liberalizoi ekonominë e tij gjatë mandatit të mëparshëm si ministër i financave, ka vdekur në moshën 92-vjeçare, njoftuan mediat lokale.
Singh, një ekonomist i kthyer në politikan, i cili gjithashtu shërbeu si guvernator i bankës qendrore, ishte i shtruar në Institutin Indian të Shkencave Mjekësore në Nju Delhi, pasi gjendja e tij shëndetësore u përkeqësua.
Singh ishte lideri i parë indian që nga Jawaharlal Nehru, i cili u rizgjodh pasi shërbeu një mandat të parë të plotë dhe i pari Sikh që mbajti postin kryesor të vendit. Ai kërkoi falje publike në Parlament për trazirat e vitit 1984, në të cilat u vranë rreth 3 mijë pjesëtarë të komunitetit Sikh.
