Tanush Mulleti, ish-kryetari i Shoqatës së të Përndjekurve dhe Burgosurve të Shqipërisë, është ndarë nga jeta në moshën 79-vjeçare.
Lajmin e vdekjes së Mulletit, e ka dhënë djali i tij Niuton Mulleti.
Nëpërmjet një postimi në Facebook, ai bën dhe me dije se ceremonia e varrimit do të bëhet ditën e martë në orën 14:00 në varrezat e Tufinës, Tiranë.
“Të Zotit jemi dhe tek Ai do të kthehemi”.
Me hidhërim të thellë, ju njoftoj që babai im Tanush Haki Mulleti ndërroi jetë sot.
Ceremonia e varrimit do të zhvillohet ditën e martë, më 21 maj 2024, ora 14:00, në varrezat e Tufinës, Tiranë.
Pritjet bëhen tek Shtëpia Funerale “ALBA 2000”, rruga e Dibrës, Nr. 302 (pranë Medresesë), Tiranë.
Qofsh i xhenetit zemra ime!”, shkruan ai.
Tanush Mulleti ka shërbyer në disa detyra e funksione të larta shtetërore mes tyre dhe si Drejtor i Burgut 313 në Tiranë.
